کورونا سے مزید 10 اموات، کل 35 ہزار مریض

 سعودی عرب میں جمعے کو 1701 افراد میں کورونا وائرس کی تصدیق کے بعد متاثرین کی کل تعداد 35 ہزار 432  ہوگئی ہے.

ان میں 26  ہزار 856 ایکٹیو کیسز ہیں ان میں سے 141 کی حالت نازک ہے اور انہیں انتہائی نگہداشت کے وارڈ میں رکھا گیا ہے.

 نئے کیسز میں22 فیصد سعودی اور 78 فیصد غیر ملکی ہیں.13 فیصد خواتین اور 87 فیصد مردہیں.

سعودی خبررساں ایجنسی ایس پی اے کے مطابق وزارت صحت کے مرکزی ترجمان ڈاکٹر محمد العبدالعالی نےجمعے کو ریاض میں پریس کانفرنس سے خطاب کرتے ہوئے کہا کہ گزشتہ 24 گھنٹے کے دوران 10 افراد کورونا وائرس کی وجہ سے ہلاک ہوئے. مجموعی ہلاکتوں کی تعداد 229 تک پہنچ گئی ہے.

تجمان نے بتایا ہلاک ہونے والی میں ایک سعودی جبکہ نو غیر مکی ہیں. مرنے والوں کی عمریں 25 سے 58 برس کے درمیان ہیں. اموات ریاض، جدہ ،مکہ اور مدینہ میں ہوئی ہیں.

ترجمان صحت نے مزید کہا کہ گزشتہ 24 گھنٹے کے دوران 1322 افراد کے صحتیاب ہونے کے بعد کورونا وائرس سے شفایاب والوں کی تعداد 9 ہزار 120 تک پہنچ چکی ہے.

وزارت صحت کی جانب سے جاری اعداد وشمارکے مطابق جمعے کوسب سے زیادہ مریضوں کی جدہ میں تصدیق ہوئی جن کی تعداد373 تھی.

ریاض میں 142، مکہ مکرمہ 246، الجیبل 122، مدینہ منورہ 308، دمام 130، بیش 75،الخبر41، طائف62، الدرعیہ 10،الھفوف 68،.ینبع،23 تبوک 8 اوربیشہ میں 29 نئےمریض سامنےآئےہیں.

بریدہ، صفوی،اضم، الخرج اورالجفر میں میں تین تین جبکہ  بقیق، مہدالذھب اورصیبا میں دو،دومریضوںکا پتہ چلا ہے.

خمیس مشیط،قطیف، ظہران، النعیریہ، بلجرشی، ضبا، املح ،اللیث، حفرالباطن،عرعر اور وادیالدواسرمیںایک ایک شخصکا کورونا ٹیسٹ پازیٹوآیا ہے.