محکمہ موسمیات نے کہا ہے کہ 18 جون جمعرات کو سعودی عرب کے تمام علاقوں میں سب سے زیادہ گرمی مکہ مکرمہ میں ریکارڈ کی گئی درجہ حرارت 47 سینٹی گریڈ رہا-
سبق ویب سائٹ کے مطابق محکمہ موسمیات نے بتایا کہ شدید گرمی کے حوالے سے الاحسا پورے ملک میں دوسرے نمبر پر رہا جہاں 44.5 سینٹی گریڈ درجہ حرارت ریکارڈ کیا گیا-
مزید پڑھیں
-
گرمی کی لہر کی خبریں بے بنیاد ہیں، الحصینیNode ID: 122796
-
46 سے 50سینٹی گریڈ تک درجہ حرارت؟Node ID: 271201
وادی الدواسر اور مدینہ منورہ 44 سینٹی گریڈ کے ساتھ تیسرے نمبر پر رہے-
باحہ میں آج جمعرات کو درجہ حرارت سب سے کم پایا گیا- جہاں درجہ حرارت 31 سینٹی گریڈ ریکارڈ کیا گیا-
سعودی دارالحکومت ریاض میں 43 سینٹی گریڈ درجہ حرارت رہا- القصومہ، دمام اور ینبع میں بھی درجہ حرارت یہی ریکارڈ کیا گیا- رفحا میں 42.5، نجران وقصیم 41، دوادمی، بیشہ العلا میں 40 سینٹی گریڈ درجہ حرارت ریکارڈ کیا گیا جبکہ جدہ میں جمعرات کو درجہ حرارت 39 سینٹی گریڈ رہا-
طائف میں پرفضا مقام ہونے کے باوجود جمعرات کو درجہ حرارت 38 سینٹی گریڈ رہا-