Sorry, you need to enable JavaScript to visit this website.

مسجد الحرام میں بارش کے دوران نماز عشا

مکہ کے مضافات اورمشاعر مقدسہ میں بھی بارش کی اطلاعات ہیں۔(فوٹو اخبار24)
سعودی عرب میں مکہ مکرمہ میں پیر کی شام بارش ہوئی ہے۔ مسجد الحرام میں عمرہ زائرین نے عشا کی نماز بار ش کے دوران ادا کی۔
مکہ مکرمہ، اس کے مضافات اورمشاعر مقدسہ( منی ، عرفات اور مزدلفہ ) میں بھی بارش کی اطلاعات ہیں۔ ان علاقوں میں مطلع آبر آلود ہے۔ مزید بارش کی پیشگوئی کی گئی ہے۔
اخبار 24 کےمطابق محکمہ موسمیات نے توقع ظاہر کی کہ منگل کو تبوک، مدینہ اور مکہ میں پہلے گرد آلود ہوائیں چلیں گی اور پھر گرج چمک کے ساتھ بارش ہوگی۔

منگل کو مزید بارش کی پیشگوئی کی گئی ہے۔( فوٹو ٹوئٹر)

عاجلہ ویب کے مطابق محکمہ موسمیات کا کہنا ہے کہ منگل کو مملکت کے نو علاقوں تبوک ، مدینہ، مکہ، الجوف، حدود شمالیہ، حائل، جازان، عسیر اور باحہ میں پہلے گرد آلود ہوائیں چلیں گی اس کے بعد گرج چمک کے ساتھ بارش ہوگی۔
بحیرہ احمر میں جنوب مشرق سے جنوب کی طرف 38 کلومیٹر کی رفتار سے ہوائیں چلیں گی۔ سمندر میں ڈیڑھ سے ڈھائی میٹر تک لہریں اٹھیں گی۔
قصیم یونیورسٹی میں ماہر موسمیات المسند نے توقع ظاہر کی ہے کہ پیر اور منگل کی درمیانی شب مدینہ، حائل، حدود شمالیہ ، الجوف اور باحہ کے علاقوں میں بارش متوقع ہے۔
انہوں نے کہا کہ حدود شمالیہ میں درجہ حرارت کم ہوجائے گا۔ نومبر کے دوران ریاض میں اوسط درجہ حرارت 24 سے 31 سینٹی گریڈ رہے گا۔
 محکمہ موسمیات کا کہنا ہے کہ منگل کو سعود ی عرب کا گرم ترین شہر مکہ ہوگا جہاں درجہ حرارت 38 سینیی گریڈ رہے گا۔ سب سے کم درجہ حرارت بارہ سینٹی گریڈ ابہا میں ہوگا۔

شیئر: