جی 20 کی افتتاحی تقریب، سعودی فضائیہ اور السعودیہ کا ائیرشو
جی 20 کی افتتاحی تقریب، سعودی فضائیہ اور السعودیہ کا ائیرشو
ہفتہ 21 نومبر 2020 17:26
جی 20 ورچول سربراہ کانفرنس کے آغاز پر شاہی فضائیہ اور مملکت کی قومی ائیر لائن ’السعودیہ ‘ نے ائیر شو پیش کیا ہے۔
اس سال گروپ کی سربراہی سعودی عرب کررہا ہے ۔ کورونا وائرس کی وجہ سے جی 20 کا اجلاس سعودی عرب کے درالحکومت ریاض میں آن لائن منعقد کیا جارہا ہے جس کی اختتامی تقریب اتوار 22 نومبر کو ہوگی۔
شاہی فضائیہ نے سبز رنگ سے قومی پرچم کی عکاسی کی (فوٹو، ایس پی اے)
سعودی خبررساں ایجنسی ’ایس پی اے‘ کے مطابق ریاض کے آسمان پر سعودی شاہی فضائیہ کے شاہینوں نے مثالی فضائی کرتب دکھائے۔ رائل ائیر فورس کے جہازوں کو بھی سبز رنگ سے سجایا گیا تھا۔
ائیر شو میں رائل ائیر فورس کے 7 طیاروں نے جبکہ السعودیہ کے تین جہاز جن میں ایئر بس 320 ، بوئنگ 777 اور بوئنگ 787 نے حصہ لیا۔
جہازوں کو جی 20 کے لوگو سے سجایا گیا تھا(فوٹو، ایس پی اے)
جی 20 کے سال رواں کے میزبان اور سربراہ کی حیثیت سے ائیر شو میں شاہی فضائیہ نے سبز اور سفید رنگ فضا میں بکھیر کر سعودی عرب کے جھنڈے کی عکاسی کی جبکہ السعودیہ کے بوئنگ اور شو میں شریک دیگر طیاروں کو بھی خصوصی طور پر جی ٹوئنٹی کے لوگو اور سبز رنگ سے خصوصی طور پرمزین کیا گیا تھا۔
