ریاض میں کورونا ایس او پیز کی پابندیوں کے ساتھ کتب میلہ

ریاض کتب میلہ کورونا ایس او پیز کی پابندی کے ساتھ شائقین کی دلچسپی کا مرکز بنا ہوا ہے- شہر کے ہر گوشے سے کتابوں کے مقامی اور غیرملکی پروانے نمائش دیکھنے کے لیے پہنچ رہے ہیں-

العربیہ نیٹ کے مطابق ریاض کی ادبی انجمن نے جو وزارت ثقافت کے ماتحت ہے- کتابوں کی نمائش منعقد کی ہے- اس کی آمدنی سرکاری فلاحی انجمنوں کی سماجی سرگرمیوں پر خرچ کی جائے گی-

ریاض کی ادبی انجمن کے سربراہ ڈاکٹر صالح المحمود نے کہا کہ  یہ 14 ویں فلاحی کتب نمائش ہے- اس کی امتیازی خوبی یہ ہے کہ یہاں نئی اور پرانی  ہر طرح کی نادر کتابیں دستیاب ہیں- ایسے انسائیکلوپیڈیاز اور کتابیں جو اب مارکیٹ سے غائب ہیں یہاں مہیا ہیں- دراصل نجی کتب خانوں کے مالکان نئی کتابوں کے لیے نئی کتابیں نکالنے کے لیے یہاں اپنے سٹال لگائے ہوئے ہیں-

یہاں کتابوں کے علاوہ سیمینارز، لیکچرِ،، مشاعرے اور ثقافتی و ادبی پروگرام بھی ہورہے ہیں- نمائش روزانہ رات ساڑھے نو بجے سے رات ساڑھے بارہ بجے تک جاری رہتی ہے-

واٹس ایپ پر سعودی عرب کی خبروں کے لیے ”اردو نیوز“ گروپ جوائن کریں