84 برس قبل ریاض سے عازمین حج سفر کے لیے کہاں جمع ہوتے تھے؟

قدیم زمانے میں اہل ریاض حج پر جانے سے پہلے ’المبرز‘ نامی مقام پر جمع ہوتے تھے- یہاں سے ایک پرچم تلے قافلے کی شکل میں مکہ مکرمہ کے لیے روانہ ہوتے تھے- 

الاخباریہ اور المرصد کے مطابق المبرز السلام محلے کے جنوب میں واقع ہے- یہ مقام السلام تفریح گاہ کے جنوبی گیٹ کے سامنے ہے- 

ریاض اور مضافات  کے عازمین حج  یہاں جمع ہوتے تھے- ماضی قریب تک اس جگہ کا نام ’القرینۃ‘ ہوا کرتا تھا- وہاں سے وہ اونٹوں پر سوار ہوکر مکہ کا رخ کیا کرتے تھے- اسے المبرز بھی کہا  جاتا ہے- 

رپورٹ کے مطابق المبرز سے حاجیوں کا آخری کاررواں 1358ھ میں نکلا تھا- یہ تقریبا 84 سال قبل کی بات ہے- اس کاررواں کی قیادت شاہ عبدالعزیز کے ایک دوست صالح بن ھدیان نے کی تھی جنہیں بعد میں الرماح کا گورنر بھی بنایا گیا-

واٹس ایپ پر سعودی عرب کی خبروں کے لیے ”اردو نیوز“ گروپ جوائن کریں