جازان: وین میں آتشزدگی، ایک شہری ہلاک، پانچ جھلس گئے

سعودی عرب میں جازان کی کمشنری الریث میں ایک وین میں آگ لگنے سے سعودی شہری ہلاک اور پانچ افراد جھلس گئے ہیں۔

الوطن اخبار کے مطابق عینی شاہدین کا کہنا ہے کہ وین میں ابو حجر اور ابو عریش کا ایک میوزیکل گروپ سوار تھا جو الریث میں جبل القہر جارہا تھا۔ وہاں انہیں شادی کی ایک تقریب میں گیتوں کا پروگرام کرنا تھا۔

علاوہ ازیں سعودی عرب کی ایک شاہراہ  پر مقامی شہری ایھاب الجاسر کی گاڑی میں اچانک آگ لگ گئی۔ وڈیو کلپ سوشل میڈیا پر وائرل  ہے۔

مقامی شہری نے  وڈیو کلپ میں بتایا کہ وہ شاہراہ سے سفر کررہا تھا اچانک گاڑی میں آگ لگ گئی۔ اللہ کا شکر ہے کہ  بسلامت گاڑی سے نکل آیا۔

الجاسر اس موقع پر کسی واقف کار سے گفتگو کرتے ہوئے کہہ رہا ہے کہ ’یہاں سے چلے جاؤ‘۔ اس کے ساتھ اچانک دھماکہ ہوا گاڑی رک گئی اور اس سے آگ کے شعلے بلند ہونے لگے۔

واٹس ایپ پر سعودی عرب کی خبروں کے لیے ”اردو نیوز“ گروپ جوائن کریں