شاہ عبدالعزیز کی 75 برس قبل دورہ مصر کی یاد گار وڈیو
شاہ عبدالعزیز کی 75 برس قبل دورہ مصر کی یاد گار وڈیو
جمعہ 24 ستمبر 2021 9:59
بانی مملکت شاہ عبدالعزیز آل سعود کے دورہ مصر کی نادر وڈیو سعودی ٹی وی نے جاری کی ہے جس میں بانی مملکت اور انکے ہمراہ وفد کا اس وقت کے حاکم مصرشاہ فاروق نے پرتباک استقبال کیاـ
سعودی ٹی وی کی جانب سے جاری دستاویزی وڈیو کے حوالے سے اخبار 24 کا کہنا ہے کہ سال 1946 میں جب بانی مملکت خصوصی دورے پرمصر پہنچے تو سرکاری وعوامی سطح پرانکا شاندار خیر مقدم کیا گیاـ
مصری عوام نے شاہراہوں پرسعودی پرچم لہرائے اور مختلف مقامات پرشاہ عبدالعزیز کےلیے خوش آمدید کے جذبات کا اظہار تحریری طورپرکیاـ
حاکم مصر اور انکے ہمراہ اعلی حکام نے بانی مملکت شاہ عبدالعزیز کے ساتھ مختلف امورپرتبادلہ خیال کیا جن مسئلہ فلسطین سرفہرست تھا ـ
ٹی وی رپورٹ کے مطابق بانی مملکت کا دورہ مصر کافی اہم ثابت ہوا جس میں سعودی عرب اور مصر کے مابین مختلف امور پراتفاق کیا گیا ـ بانی مملکت کو مصر میں مختلف تجارتی ، ثقافتی اورمعاشی امور کے بارے میں بھی مطلع کیا گیا