پاکستان کی پارلیمنٹ کے ایوان بالا سینیٹ کو بتایا گیا ہے کہ سنہ 2012 کے سروے کے مطابق ملک میں منشیات کے عادی افراد کی تعداد 64 لاکھ 80 ہزار ہے۔ انسداد منشیات فورس نے گزشتہ تین برسوں میں ملک میں تین لاکھ 72 ہزار 763 کلوگرام منشیات قبضے میں لی ہیں۔
اسی عرصہ میں منشیات فروشوں کے خلاف تین ہزار 779 مقدمات درج کرتے ہوئے تین ہزار 974 افراد کو گرفتار کیا گیا۔ عدالتوں سے دو ہزار 599 افراد کو سزا سنائی گئی جن میں آٹھ مجرموں کو سزائے موت، 236 کو عمر قید اور 64 کو دس سال سے زائد کی سزا سنائی گئی۔
مزید پڑھیں
-
سمگلروں کا نیا طریقہ ، بھیڑوں کے ذریعے منشیات سمگلنگ کی کوششNode ID: 598956