شہزادہ فیصل بن فرحان سے یوکرینی صدر کے خصوصی ایلچی کی ملاقات

سعودی وزیر خارجہ شہزادہ فیصل بن فرحان سے سنچر کو وزارت خارجہ میں  یوکرین کے صدر کے خصوصی ایلچی بیکتم رستم نے ملاقات کی ہے۔

سرکاری خبر رساں ایجنسی ایس پی اے کے مطابق ملاقات میں یوکرین کے بحران پر تبادلہ خیال کیا گیا۔

کشیدگی کم کرنے، شہریوں کے تحفظ، سنجیدگی سے مذاکرات کے ذریعے سیاسی حل تلاش کرنے اور بحران کو سیاسی طور پر حل کرنے کےلیے تمام عالمی کوششوں کی حمایت پر زور دیا گیا ہے۔

ملاقات میں انڈر سیکریٹری برائے سیاسی امور ڈاکٹر سعودی الساطی بھی موجود تھے۔