تربت... بلوچستان کے شہر تربت میں جمعہ کو فائرنگ سے3 مزدور ہلاک ہوگئے۔ مزدوروں کا تعلق سندھ کے علاقے خیرپور سے تھا۔ لیویز حکام کے مطابق تینوں جنوبی بلوچستان کے علاقے تربت میں سڑک کی تعمیر میں مصروف تھے کہ موٹر سائیکل سوار دہشت گردوں نے شناخت کے بعد سروں میں گولیاں ماریں۔ ایک مزدور موقع پر دم توڑ گیا جبکہ2 اسپتال میں چل بسے ۔ مزدور ایف ڈبلیو اوکے تحت تعمیر ہونے والی سڑک پر کام کررہے تھے۔واضح رہے کہ گوادر میں بھی 10مزدوروں کو شناخت کے بعد ہلاک کردیا گیا تھا۔
