شراب کے نشے میں دھت ملزم گرفتار

ریاض ..... پولیس نے شراب کے نشے میں دھت مقامی شخص کو گرفتار کر لیا جو گاڑی ٹکرانے کے بعد رکنے کے بجائے فرار ہونے کی کوشش کر رہا تھا ۔ ملزم نے پولیس اہلکار کو کچلنے کی بھی کوشش کی تھی ۔ ریجنل پولیس ترجمان کی جانب سے جاری بیا ن میں کہا گیا کہ ریاض کے مشرقی علاقے میں ڈیوٹی پر مامورپولیس اہلکاروں نے ایک گاڑی کو رکنے کا اشارہ کیا جسے مقامی شخص چلا رہا تھا ۔ ڈرائیور نے گاڑی روکنے کے بجائے پولیس اہلکار پر کچلتے ہوئے فرار ہونے کی کوشش کی جسے اہلکاروں نے گرفتار کر لیا ۔ ملزم کے قبضے سے پستول اور 6راﺅنڈ بھی برآمد ہوئے ۔ ابتدائی تحقیق کے دوران معلوم ہوا کہ ملزم شراب کے نشے میں تھا ۔