مدینہ منورہ.... مسجد نبوی شریف کی انتظامیہ نے اعلان کیا ہے کہ معتکفین کی تعداد 13575ہو گئی ۔ ان کیلئے ہر طرح کے آرام و راحت اور سہولتوں کا انتظام کیا گیاہے ۔ انتظامیہ میں دروازوں کے امور کے انچار ج سعود الصاعدی نے بتایا کہ اعتکاف کرنیوالوں میں 11432مرد اور 2143خواتین ہیں ۔ مردوں کےلئے 3اور خواتین کےلئے ایک جگہ مخصوص کی گئی ہے ۔ اعتکاف کرنیوالی خواتین اور مردوں کی سہولت کےلئے تربیت یافتہ عملہ مہیاکیا گییا ۔ مسجد نبوی شریف میں داخلے کیلئے آن لائن اندراج عمل میں لایا گیا ۔ اعتکاف میں بیٹھنے والے مرد و خواتین کو بتا دیا گیا کہ وہ صفائی ، نمازیوں کو مشکل میں نہ ڈالیں اور چاند رات کو عشاءبعد اعتکاف ختم کرنے کی پابندی کریں گے ۔ دیگر ہدایات سے بھی آگاہ کر دیا گیا ۔
مسجد نبوی شریف میں 13575 معتکف
