امریکہ اس وقت ایران کے ساتھ بات چیت کر رہا ہے: ڈونلڈ ٹرمپ
امریکی حکام کا کہنا ہے کہ ایرانی ڈرون کو اس وقت گرایا گیا جب وہ بحیرہ عرب میں طیارہ بردار بحری جہاز کے قریب پہنچا (فوٹو:
امریکہ کے صدر ڈونلڈ ٹرمپ نے کہا ہے کہ اس وقت ایران کے ساتھ مذاکرات جاری ہیں جبکہ امریکہ نے بحیرہ عرب میں ایران کا ایک ڈرون بھی مار گرایا ہے۔
خبر رساں اداروں کے مطابق منگل کو وائٹ ہاؤس میں صحافیوں سے بات کرتے ہوئے کہا کہ ’وہ مذاکرات کر رہے ہیں۔‘ تاہم مزید تفصیلات نہیں بتائیں۔
صدر ڈونلڈ ٹرمپ کا یہ بیان منگل کو ہی ہونے والے اس واقعے کے بعد سامنے آیا ہے جس میں امریکی لڑاکا طیارے نے ایران کے ڈرون کو اس وقت مار گرایا جب وہ امریکہ کے لنکولن طیارہ بردار بحری جہاز کے قریب پہنچا۔
ایرانی ڈرون گرانے کا یہ واقعہ ہوا ہے جب سفارت کار امریکہ اور ایرانکے درمیان جوہری مذاکرات کرانا چاہتے ہیں جبکہ اس سے قبل صدر ٹرمپ نے خبردار کیا تھا کہ جنگی جہاز ایران کا رخ کر رہے ہیں۔
ان کے مطابق ’اگر بات معاہدے تک نہ پہنچ سکی تو پھر تلخ چیزیں سامنے آئیں گی۔‘
ڈرون گرائے جانے کی خبر منظرعام پر آنے کے بعد تیل کی قیمت میں فی بیرل ایک ڈالر کا اضافہ بھی سامنے آیا۔
صدر ٹرمپ کا کہا تھا کہ ’ان کے پاس اس سے قبل کچھ کرنے کا موقع تھا مگر انہوں نے ایسا نہیں کیا اور ہم کو آپریشن کرنا پڑا، مجھے نہیں لگتا وہ ایسا دوبارہ چاہیں گے بلکہ مذاکرات کی طرف آئیں گے۔‘
ان کا مزید کہنا تھا کہ ’ہم ان کے ساتھ اس وقت بات چیت کر رہے ہیں۔‘
ایران کے صدر نے بھی منگل کو اس امر کی تصدیق کی کہ انہوں نے ’دوست ممالک کی حکومتوں‘ کی جانب سے درخواست کے بعد امریکہ کے ساتھ مذاکرات شروع کرنے کا حکم دیا ہے۔
ایران کی جانب سے اس بات کی کوئی باضابطہ تصدیق نہیں کی گئی کہ یہ مذاکرات کہاں ہوں گے تاہم ایک عرب اہلکار نے نام ظاہر نہ کرنے کی شرط پر بتایا کہ انقرہ کے علاوہ مصر،عمان اور قطر کی سفارتی مداخلت کے بعد جمعے کو ترکیہ میں میٹنگ ہونے کا امکان ہے۔
صدر مسعود پژشکیان نے ایکس پر ایک پوسٹ میں لکھا کہ ’میں نے اپنے وزیر خارجہ کو ہدایت کی ہے بشرطیکہ مناسب اور خطرات سے پاک ماحول موجود ہو اور منصفانہ طور پر مساوی مذاکرات کو آگے بڑھایا جائے۔‘
ان کا مزید کہنا تھا کہ ’دوست ممالک کی جانب سے درخواستوں کے بعد بات چیت ہونے جا رہی ہے۔‘
اسی طرح منگل کو ایران کی وزارت خارجہ نے کہا تھا کہ آنے والے دنوں میں امریکہ کے ساتھ مذاکرات کی تیاری جاری ہے جبکہ اس کے لیے مقام کو حتمیشکل دینے کے لیے بھی مشاورت کی جا رہی ہے۔
ایران کی وزارت خارجہ نے منگل کو کہا کہ آنے والے دنوں میں امریکہ کے ساتھ مذاکرات کے لیے تیاریاں جاری ہیں اور جگہ کو حتمی شکل دینے کے لیے مشاورت جاری ہے۔
وزارت خارجہ کے ترجمان اسماعیل بقائی کے مطابق ’اگلے چند روز میں مذاکرات کی منصوبہ بندی کی گئی ہے جبکہ مقام کا حتمی فیصلہ ہو جانے کے بعد اس کا اعلان کیا جائے گا۔‘
