سعودی طبی ٹیم نے مکہ میں غیرملکی عمرہ زائر کی جان بچا لی
عمرہ زائر کو النور ہسپتال کے ایمرجنسی وارڈ میں نیم بے ہوشی کی حالت میں لایا گیا
مکہ مکرمہ کے النور اسپیشلسٹ ہسپتال کی طبی ٹیم کی بروقت مداخلت سے مصری عمرہ زائر کی جان بچ گئی۔
عاجل نیوز کے مطابق مصر سے تعلق رکھنے والے 64 سالہ عمرہ زائر کو النور ہسپتال کے ایمرجنسی وارڈ میں نیم بے ہوشی کی حالت میں لایا گیا جنہیں دل کا شدید دورہ پڑا تھا۔
طبی ٹیم نے مریض کا معائنہ کرنے کے بعد فوری طورپر اینجو پلاسٹی کے لیے آپریشن تھیٹر میں لے گئے۔
ڈاکٹروں نے دل کی شریانوں کو کھولنے کے لیے اسٹنٹ ڈالا جس سے مریض کی حالت بہتر ہونے لگی بعدازاں اسے انتہائی نگہداشت کے وارڈ میں منتقل کردیا گیا۔
مکہ مکرمہ صحت مرکز کا کہنا ہے النور ہستپال میں امراض قلب وارڈ میں ہرقسم کے علاج کی سہولت میسر ہے۔
ماہ رمضان کے دوران مستقل بنیادوں پر طبی عملہ ڈیوٹی پر موجود ہوتا ہے تاکہ کسی بھی ہنگامی حالت میں بروقت طبی امداد فراہم کی جاسکے۔
سعودی ہلال احمر نے مسجد الحرام میں پاکستانی کی جان بچا لیNode ID: 880819
