سعودی ولی عہد نے مصنوعی ذہانت کی نئی کمپنی قائم کردی
پبلک انویسٹمنٹ فنڈ کی زیر ملکیت نئی کمپنی قائم کی گئی ہے ( فوٹو: ایس پی اے)
سعودی ولی عہد و وزیر اعظم و پبلک انویسٹمنٹ فنڈ کے چیئرمین شہزادہ محمد بن سلمان نے مصنوعی ذہانت کے شعبے میں نئی ’ہیوماین‘ کمپنی کے قیام کی منظوری جاری کی۔
سعودی خبررساں ایجنسی ’ایس پی اے‘ کے مطابق پبلک انویسٹمنٹ فنڈ کی زیر ملکیت قائم ہونے والی کمپنی جدید ٹیکنالوجی اور مصنوعی ذہانت کے شعبے میں گراں قدر اضافہ ہوگی۔
ولی عہد کی زیر سربراہی قائم ہونے والی ’ہیومائن‘ کمپنی مصنوعی ذہانت کے شعبے میں اہم ثابت ہوگی جو عربی کے بڑے لینگوئج ماڈل ’ ایل ایل ایم ایس‘ کے علاوہ ڈیٹا سینٹرز کی نئی جینریشن اورکمپیوٹر کی کلاوڈ انفرسٹرکچر کے نئے دور پر کام کرے گی۔
کمپنی مقامی، علاقائی اور عالمی سطح پر مصنوعی ذہانت کی ایپلی کیشنز اور ڈیجیٹل معیشت کی ترقی کے نئے دروں کو کھولنے کے لیے انسانی صلاحیتوں میں بھی اضافے کا باعث ہوگی۔
کمپنی کے قیام سے مختلف شعبوں میں مصنوعی ذہانت پر مبنی ٹیکنالوجیز کو بہتر بنانے میں تیزی لائے جائے گی۔
علاوہ ازیں توانائی ، صحت اور امور صحت ، صنعت و مالیات وغیرہ کے شعبوں کےلیے بھی مفید ثابت ہو گی۔
