سعودی رکن شوری سعد العتیبی عرب پارلیمنٹ کے پہلے نائب سپیکر مقرر

سعودی شوری کونسل کے رکن سعد العتیبی کو عرب پارلیمنٹ نے متفقہ طور پر پہلا نائب سپیکر مقرر کیا ہے۔

سعودی خبررساں ایجنسی ’ایس پی اے‘ کے مطابق  یہ اعلان عرب پارلیمنٹ کے اجلاس میں کیا گیا جو سنیچر کو قاہرہ میں عرب لیگ کے جنرل سیکرٹیریٹ میں ہوا جس کی صدارت سپیکر محمد بن احمد الیماحی نے کی۔

سعد العتیبی نے اجلاس کے آغاز میں شاہ سلمان بن عبدالعزیز اور ولی عہد مملکت شہزادہ محمد بن سلمان کی جانب سے خطے کے امن و استحکام اور عرب اقدام کے حوالے سے قابل ذکر حمایت پر ان کا خصوصی طور پر شکریہ ادا کیا۔

سعد العتیبی نے سپیکر شوری شیخ ڈاکٹر عبداللہ آل الشیخ کا بھی شکریہ ادا کیا جن کی جانب سے ارکین شوری کی ہمیشہ حوصلہ افزائی اور پارلیمانی سفارتکاری کی حمایت کے لیے کوششیں کی گئی۔

انہوں نے عرب ایشوز کے حل کے لیے مشترکہ عرب پارلیمنٹ کے زیر سایہ کی جانے والی کوشششوں کو سراہتے ہوئے عرب پارلیمنٹ کے سپیکر محمد احمد الیماحی کا بھی شکریہ ادا کیا۔