سعودی وزیرداخلہ شہزادہ عبدالعزیز بن سعود بن نایف نے پیر کو لندن میں برطانوی ہم منصب یویٹ کوپر سے ملاقات کی ہے۔
ایس پی اے کے مطابق ملاقات میں سعودی عرب اور برطانیہ کی وزارت داخلہ کے درمیان سکیورٹی سے متعلق متعدد امور پر تبادلہ خیال کیا گیا۔
سعودی اور برطانوی وزرائے داخلہ نے دونوں ملکوں کی وزارتوں کے درمیان تعاون بڑھانے کے طریقوں کا جائزہ لینے کےلیے اجلاس کیا۔
سعودی وزیرداخلہ کا کہنا تھا شاہ سلمان بن عبدالعزیز کی ہدایات پرعمل کرتے ہوئے دونوں ملکوں کے درمیان سکیورٹی تعاون کو مضبوط بنانے کے خواہاں ہیں۔
بعد ازاں دونوں ملکوں کی وزارت داخلہ کے درمیان سکیورٹی تعاون سے متعلق کئی معاہدوں پر دستخط کیے گئے۔
