مکہ مکرمہ میں بارش، مسجد الحرام میں عمرہ زائرین کی دعائیں

مکہ مکرمہ میں مسجد الحرام اور اس کے اطراف کے علاقوں میں جمعرات کو شام کے وقت بارش ہوئی۔

الاخباریہ چینل کے  مطابق مسجد الحرام میں عمرہ زائرین بارش کے وقت طواف اور عبادت میں مصروف رہے۔

بارش کے دوران طواف اور دعائیں کرتے عمرہ زائرین کی وڈیوز اور تصاویر سوشل میڈیا پر وائرل رہیں۔

حرمین شریفین انتظامیہ نے اس موقع پر مسجد الحرام میں صفائی پر مامور اہلکاروں کے ذریعے زائرین حرم کو بارش سے پیدا ہونے والی پھسلن سے بچانے کے لیے صفائی کے بہترین انتظامات کیے۔

حرمین شریفین انتظامیہ کی کوشش ہوتی ہے کہ عبادت کے دوران زائرین کی سلامتی کو یقینی بنایا جائے۔

اخبار 24 کے مطابق جمعرات کی شام  کو مکہ مکرمہ میں مسجد الحرام اور اس کے مختلف علاقوں میں تیز بارش کا سلسلہ جاری رہا۔

دوسری جانب موسمیات کے قومی مرکز نے عوام سے احتیاط برتنے، پانی کے جمع ہونے والے مقامات اور سیلابی نالوں سے دور رہنے کی اپیل کی ہے۔