خاتون کی مصر میں حالت تشویشناک، علاج کے لیے سعودی عرب منتقلی

مصر میں موجود سعودی سفارتخانے نے جمعے کو بیان جاری کیا ہے کہ یہاں سے ایک سعودی خاتون کو علاج کے لیے مملکت منتقل کردیا گیا ہے۔

سفارتخانے کے بیان کے مطابق خاتون کی حالت تشویشناک تھی جس کے بعد سعودی وزارت دفاع کے تحت فضائی طبی امداد فراہم کرنے والے شعبے نے خصوصی طیارے کے ذریعے سعودی خاتون کو علاج کے لیے قاہرہ انٹرنیشنل ایئرپورٹ سے مملکت منتقل کیا۔

مصر میں سعودی سفارتخانے نے اس سلسلے میں تعاون کیا اور پورے عمل کی نگرانی کی۔

یہ اقدام سعودی قیادت کی  ہدایات کے تحت عمل میں آیا ہے جن کا مقصد بیرون ملک مقیم سعودی شہریوں کو ہر ممکن سہولت اور تحفظ فراہم کرنا ہے۔