سعودی عرب سمیت عرب دنیا میں سپر مون کا نظارہ

 سعودی عرب سمیت عرب دنیا میں بدھ کی شب سپرمون کے دلکش منظر کا نظارہ کیا گیا۔

سعودی خبررساں ایجنسی ’ایس پی اے‘ کے مطابق قمری مہینے جمادی الاول کا پورا چاند ’بدر‘ کا زمین سے فاصلہ قریب ترین تھا جو تقریبا 3 لاکھ 62 ہزار 146 کلومیٹر کے قریب ہوگا۔

عام دنوں کے مقابلے میں دکھائی دینے والا سپر مون 14 فیصد بڑا اور 30 فیصد زیادہ روشن دکھائی دیا، اسی لیے اس نظارے کو سپرمون کہا جاتا ہے۔

اس سے قبل ماہرفلکیات کا کہنا تھا’ سپرمون شمال مشرقی افق سے غروب آفتاب کے ساتھ  طلوع ہوگا، آغاز میں ہلکے سرخ یا نارنجی رنگ کا دکھائی دے گا۔‘

’اس وقت چاند کی روشنی زمین کے فضائی غلاف سے گزرتی ہے جہاں ہوا کے ذرات غبار اور بخارات نیلی روشنی کو منتشر کردیتے ہیں جبکہ سرخ اور زرد روشنی غالب آجاتی ہے۔ جیسے جیسے چاند افق پربلند ہوتا ہے اس کی روشنی میں سفیدی نمایاں ہونا شروع ہوجاتی ہے۔،