سعودی قیادت کی طرف سے آذربائیجان کو مبارکباد

خادم حرمین شریفین شاہ سلمان بن عبد العزیز آل سعود اور ولی عہد و وزیر اعظم شہزادہ محمد بن سلمان بن عبد العزیز آل سعود نے آذربائیجان کے صدر الہام حیدر علیف کو یوم فتح اور یوم پرچم پر مبارکباد پیش کی ہے۔

سعودی پریس ایجنسی کے مطابق سعودی قیادت نے آذربائیجان کے صدر کو تہنیتی پیغام روانہ کئے ہیں۔

سعودی قیادت نے صدر الہام حیدر علیف کے نام روانہ کئے جانے والے مکتوب میں کہا ہے کہ ’ہم آپ کے لئے صحت و عافیت اور خوشحال زندگی اورآذربائیجان کے لئے مزید ترقی و کامرانی کی امید رکھتے ہیں‘۔