سعودی قیادت کی ہدایات پر پاکستان کی باہم جڑے ہوئے بچے ’سفیان‘ اور ’یوسف‘ اہل خانہ کے ہمراہ پیر کو آپریشن کے لیے ریاض پہنچ گئے۔
کنگ خالد انٹرنیشنل ایئرپورٹ پہنچنے کے بعد بچوں کو فوری طور پر نیشنل گارڈ کے کنگ عبداللہ سپسشلسٹ چلڈرن ہسپتال منتقل کیا گیا جہاں ان کا طبی معائنہ اور ضروری ٹیسٹ کیے جائیں گے۔
بچوں کے اہل خانہ نے آپریشن کے لیے فوری ردعمل، ان کے خیرمقدم، مہمان نوازی اور سخاوت پر مملکت کا شکریہ ادا کیا۔
یاد رہے سعودی عرب جڑے بچوں کو الگ کرنے کے سب سے زیادہ آپریشن کرنے والا ملک بن گیا ہے۔ سعودی عرب کی ان کاوشوں کا اعتراف دنیا بھر کے ممالک اور تنظیمیں کر رہی ہیں۔
1990 سے اب تک اس طرح کے کامیاب آپریشنوں میں سعودی عرب نے نمایاں مقام حاصل کیا ہے۔
35 برسوں کے دوران سعودی عرب میں 28 ممالک کے 67 جڑے ہوئے بچوں کو آپریشن کے ذریعے علیحدہ کیا جا چکا ہے۔
