برطانیہ نے الزام عائد کیا ہے کہ روسی جنگی طیاروں نے بحیرہ اسود کے اوپر بین الاقوامی فضائی حدود میں پرواز کرنے والے برطانوی فضائیہ کے ایک طیارے کے انتہائی قریب آ کر ’خطرناک‘ انداز میں مداخلت کی۔ برطانوی وزارت دفاع کے مطابق رائل ایئر فورس کا ریویٹ جوائنٹ طیارہ نیٹو کے مشرقی محاذ کے تحفظ کے سلسلے میں معمول کی نگرانی پرواز میں شریک تھا جب روسی لڑاکا طیاروں نے اس کا تعاقب کیا۔ وزارت دفاع نے جاری تصاویر میں دکھایا کہ روسی ایس یو-35 طیارہ برطانوی طیارے کے اتنا قریب آ گیا کہ ریویٹ جوائنٹ کے ہنگامی حفاظتی نظام متحرک ہو گئے، جس کے نتیجے میں آٹو پائلٹ سسٹم بھی بند ہو گیا۔
برطانیہ نے اس کارروائی کو غیر پیشہ ورانہ اور اشتعال انگیز قرار دیتے ہوئے کہا ہے کہ اس قسم کے اقدامات خطے میں کشیدگی کو مزید بڑھا سکتے ہیں۔
