ورک پرمٹ فیس میں کوئی اضافہ نہیں ہوا، وزارت محنت

جدہ۔۔۔۔وزارت محنت و سماجی فروغ نے واضح کیا ہے کہ ورک پرمٹ کی سالانہ فیس میں کوئی اضافہ نہیں کیا گیا ۔ اس حوالے سے گردش کرنیوالے دعوے سراسر غلط ہیں۔ ورک پرمٹ پر فیس سال میں ایک مرتبہ وصول کی جاتی ہے۔ وزارت نے توجہ دلائی کہ جب بھی ورک پرمٹ میں اضافے کا کوئی فیصلہ ہوگا تو مروجہ قانونی طریقے کے مطابق اعلان بھی ہوگا۔ وزارت محنت نے محرم 1434ھ سے غیر ملکی کارکنان پر آنے والی لاگت بڑھانے کیلئے 200ریال ماہانہ فیس لینا شروع کی تھی۔ نجی ادارے کے ہر کارکن پر سالانہ 2400ریال فیس مقرر ہے۔ یہ فیس وہ نجی ادارے ادا کرتے ہیں جن میں غیرملکی کارکنان کی تعداد سعودی کارکنان سے زیادہ ہے۔