سیکیورٹی اہلکار بھی حصول ثواب میں پیش پیش
منیٰ ..... سیکیورٹی اہلکار شدید گرمی میں حجاج اور دیگر کارکنوں پر پانی کی پھوار برساتے رہے ۔ سیکیورٹی اہلکاروں نے دستی پھوار پھینکنے والی بوتلیں رکھی تھیں جہاں پانی کے فوارے نہیں تھے وہاں وہ ان کا استعمال کر رہے ہیں ۔ تفصیلات کے مطابق سیکیورٹی اہلکار بھی اپنے فرائض کی ادائیگی کے ساتھ ساتھ اجر کمانے کےلئے کسی سے پیچھے نہ رہے ۔ گرمی سے بے حال حجاج پر پانی کی پھوار سے انہیں تروتازہ کرتے رہے ۔ بعض اہلکاروں نے گرمی سے بے حال صفائی کے کارکنوں کی بھی مدد کی ا ورانہیں وقتی آرام پہنچانے کےلئے پانی پھوار برساتے رہے ۔