راولپنڈی.. صدر نیشنل ڈیفنس یونی ورسٹی لیفٹیننٹ جنرل رضوان اختر نے ذاتی وجوہ کی بنا پر قبل از وقت ریٹائرمنٹ لے لی۔ ان کے عہدے کی مدت میں ایک برس باقی تھا۔ ذرائع کے مطابق انہوں نے کہا کہ میری ریٹائرمنٹ پر متعلق مفروضوں سے گریز کیا جائے ۔ ذاتی وجوہ کی بنا پر پیر 9 اکتوبر کو یونیفارم اتار رہا ہوں۔بھاری دل مگر مکمل اطمینان کے ساتھ ریٹائرمنٹ لے رہا ہوں لیکن پاک فوج کو جب بھی میری ضرورت پڑی تو میں حاضر ہوں گا۔ انہوں نے مزید کہا کہ پاک فوج میں ساتھ 35 سال تک خدمات انجام دینے پر فخر ہے فوجی کرئیر میں تعاون و رہنمائی پر سینئرز کا شکر گزار ہوں۔واضح رہے کہ لیفٹیننٹ جنرل رضوان اختر ڈی جی رینجرز سندھ اور ڈی جی آئی ایس آئی کے طور پر بھی خدمات انجام دے چکے ہیں ۔
