طائف.... طائف کے حکام نے ہموطن کے قتل کا الزام ثابت ہوجانے پر سعودی شہری نایف بن معیوف الحسنی کو اتوار کو طائف میں سر قلم کرکے نشان عبرت بنادیا۔ سعودی وزارت داخلہ نے اعلامیہ جاری کرکے واضح کیا کہ نایف الحسنی نے اپنے ہموطن ابراہیم سلامی کو پستول سے فائرنگ کرکے ہلاک کردیا تھا اورواردات کے بعد فرار ہوگیا تھا۔ پولیس نے اسے تلاش کرکے گرفتار اورپھر عدالت کے حوالے کردیا ۔ عدالت نے الزام ثابت ہوجانے پر اسے موت کی سزا سنادی تھی۔
