امارات: جمعہ اور ہفتہ کی درمیانی شب بھی دھند رہے گی
ابوظبی: متحدہ عرب امارات میں جمعہ اور ہفتہ کی درمیانی شب اور ہفتہ کی صبح دھند چھائی رہے گی جس کے باعث بعض علاقوں میں حد نگاہ 500میٹر تک محدود ہوجائے گی۔
قومی مرکز برائے ماحولیات نے اعلامیہ جاری کرتے ہوئے ڈرائیوروں اور خصوصی طور پر ہائی وے پر سفر کرنے والوں کو آگاہ کیا ہے کہ جمعہ اور ہفتہ کی درمیانی شب رات12سے ہفتہ کی صبح 11بجے ساحلی علاقوں کے علاوہ وسطی اور شمالی علاقوں میں دھند چھائی رہے گی۔
دھند کے وقت ڈرائیور احتیاطی تدابیر اختیار کریں اور سامنے والی گاڑی کے درمیان مناسب مسافت رکھیں۔ پولیس اداروں نے دھند کے وقت راہگیروں اور مسافروں کی رہنمائی کے لئے خصوصی انتظام کر رکھا ہے۔
امارات کی مزید خبریں پڑھنے کے لئے یہاں کلک کریں