پیٹ کے درد سے نجات کے لیے کیا استعمال کریں ؟
پیٹ کا درد صحت کا ایک عام مسئلہ ہے جوہر عمر کے شخص کو متاثر کرتا ہے ۔ پیٹ کےدرد کی مختلف وجوہات ہو سکتی ہیں جن میں انفیکشن ، خلیات کی غیرمعمولی نشوونما اور بڑھوتری ، سوجن ، خوراک کی نالیوں کا بند ہوجانا اور آنتوں کے مسائل شامل ہیں . پیٹ میں اوپر بائیں جانب ہونے والا درد تلی کے بڑھ جانے ، اندرونی زخم ، گردوں میں انفیکشن ، ہارٹ اٹیک اور کینسر کے باعث ہوتا ہے جبکہ دوسری طرف اوپری دائیں جانب ہونے والا درد نمونیا ، ہیپاٹائٹس ، آنتوں میں زخم اور اپنڈکس کی وجہ سے ہوتا ہے ،
وجوہات معلوم ہو جانے کے بعد پیٹ میں درد کی صورت میں گھریلو اجزاء کا استعمال اور طرز زندگی میں تبدیلی کے ذریعے درد کا سدباب کیا جاسکتا ہے . اگر نمونیا اور گردوں میں انفیکشن کی وجہ سے درد ہو تو پانی کا زیادہ سے زیادہ استعمال بے حد مفید ثابت ہوتا ہے ، پانی کا زیادہ استعمال زہریلے مواد کو خون سے صاف کرکے جسم کو صحت مند مناتا ہے . سیب کا سرکہ ، کیسٹر آئل ، ادرک اور ہلدی معدے کی پی ایچ کو متوازن رکھنے ، سوجن کو کم کرنے ، نالیوں کی بندش کو دور کرنے اور معدے کے مسلز کو آرام پہنچانے کے لیے فائدہ مند ثابت ہوتے ہیں .
