کھلے پیسے نہ دینے پر گاہک پر دکاندار کا چھری سے حملہ

    جھارکھنڈ- -  - -جھارکھنڈ میں 15 روپے کی چاکلیٹ لینے کے لیے 500 کا نوٹ دینے پر دکاندار نے گاہک کو چھری کے پے درپے وارکرکے زخمی کردیا۔ ریاست جھارکھنڈ کے شہرجمشید پور میں گاہک نے 15 روپے کی چاکلیٹ خریدنے کے لیے 500 روپے کا نوٹ دکاندارکے سامنے کردیاجس پردکاندارنے کھلے پیسوں کا مطالبہ کیا اورنہ ملنے پر غصے سے گاہک پرچھری سے حملہ کرکے زخمی کردیا۔پولیس کا کہنا ہے کہ 64 سالہ دواریکا گرم دماغ کا شخص ہے جس نے کھلے پیسے نہ ہونے کی وجہ سے 36 سالہ بھگت مہتو سے جھگڑا کیا،جھگڑے سے قبل بھگت نے دکاندارکو10 روپے دیکر بقایا 5 روپے بعد میں دینے کا بھی کہا اور دکاندارکی جانب سے یہ بات نہ ماننے کی صورت میں چاکلیٹ بھی واپس کرنے کا کہا تاہم دکاندارکو یہ برداشت نہ ہوسکا اورگاہک کو چھری کے وار سے زخمی کردیا۔پولیس کا کہنا ہے کہ گاہک بھگت مہتوپیشے کے اعتبار سے رکشہ ڈرائیور ہے جو اپنے بچوں کیلئے چاکلیٹ لینے پان کی دکان پر گیا تھا۔ زخمی گاہک کو فوری طبی امداد کیلئے اسپتال منتقل کردیا گیا تھا اور ملزم کو گرفتار کرکے جیل بھیج دیا گیا ہے۔دکان دارکے پڑوسی کا کہنا ہے کہ پان کی دکان کا مالک دواریکا غصے پر قابو نہ رکھنے والا شخص ہے جس کی بنیادی وجہ اس کا کاروبار ہے جوکہ آج کل ٹھپ پڑا ہے اوراسی وجہ سے دکان میں صرف 1،2،5  اور 10 روپے کے ہی سکے ہوتے تھے اور ایسی صورتحال میں 500 اور 2000 کا کھلا دینا نا ممکن ہوتا ہے۔

مزید پڑھیں:- - - -دہلی میں فضا گرد آلود،لوگوں کو مشکلات کا سامنا