ایم کیو ایم کا ایک اور گروپ بن گیا

کراچی ..متحدہ قومی موومنٹ کے سابق ڈپٹی کنو ینر شاہد پاشا نے ایم کیو ایم ورکرز ایکشن کمیٹی کے نام سے نئی جماعت بنانے کا اعلان کردیا ۔شاہد پاشا نے اپنے دیگر ساتھیوں سمیت کراچی پریس کلب پر مظاہرہ کیا ۔ورکرز ایکشن کمیٹی ایم کیو ایم کے نام سے تحریک شروع کرنے کا فیصلہ کیا۔ مظاہرین نے کہاکہ شاہد پاشا کوپارٹی رکنیت سے خارج کیا گیا جو ناانصافی ہے ۔اس ساری سازش کے پیچھے ایم کیوایم پاکستان کے رہنما عامر خان کا ہاتھ ہے۔ سابق ایم کیوایم رہنما شاہد پاشا نے کہا کہ 32 سال سے ایم کیو ایم کا کارکن رہا۔ مجھے 5 مرتبہ گرفتار بھی کیا گیا۔ اس دوران میں نے اپنی کوئی جائدادنہیں بنائی لیکن عامرخان، خواجہ اظہار، حیدرعباس رضوی، بابر غوری سمیت دیگر لوگ کیسے ارب پتی بن گئے۔یہ سب ایم کیو ایم کے ارب پتی شہری وڈیرے ہیں۔ کارکنان کی ایم کیوایم الگ ہے اور رابطہ کمیٹی نے اپنی ایم کیوایم بنا رکھی ہے۔مجھے بغیر کسی قصورکے معطل کیا گیا۔ رابطہ کمیٹی کے اس فیصلے کو مسترد کرتے ہیں اور مطالبہ کرتے ہیں کہ رابطہ کمیٹی کو فوری تحلیل کیا جائے۔