فیفا پلیئر آف دی ایئر ایوارڈ کروشین لوکا موڈریچ نے جیت لیا

لندن:کروشیا کے اسٹار فٹبالر لوکا موڈریچ نے فیفا پلیئر آف دی ایئر ایوارڈ جیت لیا۔ کروشین کھلاڑی نے اس موقع پر یہ ایوارڈ اپنے مداحوں کے نام کیا۔فیفا کی جانب سے لندن ساوتھ بینک کے رائل فیسٹول ہال میں اس شاندار تقریب کا انعقاد کیا گیا۔2007ءکے بعد یہ پہلا موقع ہے جب ارجنٹائن کے لیونل میسی اور پرتگال کے کرسٹیانو رونالڈو کے علاوہ کوئی تیسرا کھلاڑی یہ بڑا ایوارڈ اپنے نام کرنے میں کامیاب ہوا۔یہاں یہ بات بھی قابل ذکر ہے کہ گزشتہ برس کے پلیئر آف دی ایئر کرسٹیانو رونالڈو ، کروشیا کے لوکا موڈریچ اور مصر کے محمد صلاح کے درمیان کانٹے کا مقابلہ تھا۔دوسری جانب برازیل کی خاتون فٹبالر مارتا کو حیران کن طور پر چھٹی مرتبہ وومن پلیئر آف دی ایئرقرار دیا گیا۔ مصر کی قومی ٹیم کے کپتان اور انگلش کلب لیور پول کے اسٹرائیکر محمد صلاح کے انگلش پریمیئرلیگ میں ایورٹن کے خلاف گول کو سال کا بہترین گول قرار دیا گیاجبکہ گول کیپر آف دی ایئر کا ایوارڈ تھیباوکورٹیس نے جیتا۔بہترین کوچ کا ایوارڈ فرانس کے ڈیڈیئر ڈیشامپ کے نام رہا،ڈیشامپ کی کوچنگ میں فرانس نے اس سال فٹبال ورلڈ کپ کا ٹائٹل جیتا۔ ویمنزبیسٹ کوچ آف دی ایئر فرانس کے رینالڈ پیڈروس کو قرار دیا گیا۔

کھیلوں کی مزید خبریں پڑھنے کیلئے اردونیوز " واٹس ایپ اسپورٹس" گروپ  جوائن کریں