سیاسی پناہ نہیں لے رہا،اسحاق ڈار
اسلام آباد....سابق وفاقی وزیر خزانہ اسحاق ڈار نے کہا ہے کہ سعودی عرب کی تیل کے شعبے میں سرمایہ کاری کوئی نہیں بات نہیں ۔ معیشت کی تباہی سے متعلق تحریک انصاف کا بیان جھوٹ پر مبنی ہے ۔ کوئی سیاسی پنا ہ نہیں لے رہا ۔ مجھ پر کوئی کرپشن یا کک بیکس لینے کا کوئی الزام نہیں۔ میرا دامن صاف ہے ۔ ٹی وی انٹرویو میں اسحاق ڈار نے کہا کہ پیپلزپارٹی کے دور حکومت میں بھی سعودی عرب کی طرف سے 50 کروڑ ڈالر ڈ یپازٹ رکھے گئے تھے ۔انہوں نے کہا کہ معیشت کی تباہی سے متعلق تحر یک انصاف جھوٹ بول رہی ہے ۔پی ٹی آئی کے پاس کوئی وژن یا پلان نہیں ۔ یہ صرف اپنی نااہلی چھپا رہے ہیں ۔ مسلم لیگ ن نے معیشت اچھے حالات میں چھوڑی ۔ اسحاق ڈار نے کہا کہ 2 مرتبہ پاکستان کو دیوالیہ ہونے سے بچایا ۔مسلم لیگ ن نے پہلے تیاری کی اور پھر پلان دیا ۔تحر یک انصاف کو حکومت چلانا نہیں آتی ۔ اسپتال چلانے اور ملک چلانے میں فرق ہوتا ہے ۔ انہوں نے کہا کہ میرا بس چلے تو میں ڈالر کو110 روپے تک واپس لے آوں ۔ میں ڈالر کو 111 روپے سے 99 روپے پرلے کر آیا تھا ۔ میں نے 4 دنوں میں بجٹ تیار کرلیا تھا ۔