غیر ملکی انجینیئرز کا آن لائن امتحان ضروری

دمام۔۔۔سعودی انجینیئرز کونسل نے پابندی عائد کی ہے کہ مملکت میں ملازمت کے خواہش مند غیر ملکی انجینیئرز کو ملازمت کے معاہدے سے قبل آن لائن امتحان دینا ہو گا ۔ اس کے بغیر کسی بھی کمپنی یا انجینیئرنگ کنسلٹنسی یا سرکاری و نجی اداروں کیلئے انجینیئر کی ملازمت کا ویزا جاری نہیں کیا جائیگا ۔ سعودی انجینیئرز کونسل کے چیئرمین سعد الشہرانی نے یہ اطلاع دیتے ہوئے مکہ اخبار کو بتایا کہ یہ فیصلہ سعودی انجینیئرز کو ملازمت کو مواقع فراہم کرنے ، جعلی انجینیئرز کو مملکت میں آنے سے روکنے ، انجینیئرز کی غلطیوں کے سدِ باب، کام کا معیار بلند کرنے اوراخراجات بچانے کی خاطر کیا گیا ہے ۔