رائے بریلی جیل سے کروڑوں کی وصولی

لکھنؤ.... رائے بریلی ضلع جیل سے قیدیوں کی طرف سے انتظامیہ پر بدعنوانی کا الزام عائد کرنے کی ویڈیو وائرل ہونے کے بعد بی جے پی لیڈر آئی پی سنگھ نے جیل انتظامیہ پر سوال اٹھاتے ہوئے ٹویٹ کیا کہ اے ڈی جی جیل چندرپرکاش کو یوپی کی جیلوں سے پیسہ جاتا ہے۔ اگر میری بات غلط ہے تو ان کی جائیداد کی جانچ پڑتال کر لی جائے ۔ جیلوں میں کروڑوں روپے کی وصولی بدستور جاری ہے۔ قیدیوں کودھمکاکر ان کے اہل خانہ سے وصولی کی جاتی ہے۔واضح ہو کہ رائے بریلی ضلع جیل میں قیدیوں کی شراب پینے کی ویڈیو جاری ہوئی تھی۔