Sorry, you need to enable JavaScript to visit this website.

کرس گیل کے ون ڈے میں 3 اعزاز

لندن :ویسٹ انڈیز کے جارح مزاج بلے باز کرس گیل نے 3مزید اعزاز اپنے نام کرلیے۔ انگلینڈ کے خلاف5 ون ڈے میچز کی سیریز میں کرس گیل بولرزکے اعصاب پر سوار ہوچکے ہیں۔ چوتھے ون ڈے میچ میں انہوں نے ایک روزہ میچز میں 10 ہزار رنز بنانے اور انٹرنیشنل کرکٹ میں 500 چھکے مکمل کرنے کا کارنامہ انجادیا۔ گیل برائن لارا کے بعد 10 ہزار رنز بنانے والے دوسرے ویسٹ انڈین بلے باز بن گئے ہیں۔گیل نے انگلینڈ کے خلاف چوتھے ایک روزہ میچ میں 97 گیندوں پر 162 رنز کی اننگز کھیلی جس میں 11 چوکے اور 14 چھکے شامل تھے۔ اس طرح اب ان کی جانب سے مجموعی چھکوں کی تعداد 506 ہوگئی ہے۔ کرس گیل سے پہلے اسی میچ میں انگلینڈ کے جوز بٹلر نے 12 چھکے لگائے تھے۔ کرس گیل کسی بھی سیریز یا ٹورنامنٹ میں سب سے زیادہ 26 چھکے لگانے کی تاریخ بھی رقم کرچکے ہیں۔ ان سے پہلے 26 بار بال کو باونڈری کے اوپر سے پار کوئی نہیں پھینک سکا۔
کھیلوں کی  مزید خبریں اور تجزیئے پڑھنے کیلئے واٹس ایپ گروپ " اردو  نیوز اسپورٹس" جوائن کریں

شیئر: