پاک آسٹریلیا سیریز: دوسرا ون ڈے 24مارچ کو شارجہ میں ہوگا
شارجہ:پاکستان اور آسٹریلیا کے درمیان 5ون ڈے کی سیریز کا دوسرا میچ 24مارچ کو کھیلا جائیگا ،میچ مقامی وقت کے مطابق سہ پہر 3بجے شروع ہوگا۔ آسٹریلوی ٹیم کو سیریز میں 0-1کی برتری حاصل ہے ۔ شیڈول کے مطابق دونوں ٹیموں کے درمیان دوسرا ون ڈے میچ شارجہ میں 24 مارچ، تیسرا میچ ابوظبی میں 27 مارچ، چوتھا میچ دبئی میں 29 مارچ جبکہ پانچواں اور آخری میچ 31 مارچ کو دبئی میں ہی کھیلا جائے گا۔ تمام میچز ڈے اینڈ نائٹ ہوں گے اور سعودی عرب کے وقت کے مطابق دوپہر 2بجے جبکہ مقامی وقت کے مطابق سہ پہر 3 بجے شروع ہوں گے۔پاکستان کے خلاف آسٹریلوی اسکواڈ میں کپتان ایرون فنچ، عثمان خواجہ، ہینڈسکوم، شان مارش، مارکس اسٹونس، ایشٹن ٹرنر، گلین میکسویل، پیٹ کمنز، جیسن بینڈروف، جے رچرڈسن، نیتھن لیون، کین رچرڈسن، ایڈم زامپا اور نیتھن کولٹر نیل شامل ہیں جبکہ پاکستان کرکٹ ٹیم کی قیادت عارضی کپتان شعیب ملک کریں گے 16 رکنی قومی اسکواڈ میں امام الحق، عابد علی، شان مسعود، عمر اکمل، حارث سہیل، عماد وسیم، فہیم اشرف، محمد رضوان، محمد عامر، جنید خان، محمد عباس، عثمان خان شنواری، یاسر شاہ، سعد علی اور محمد حسنین شامل ہیں۔ ابتدائی میچ میں آسٹریلیا نے پاکستانی کو 8وکٹوں سے شکست دیکر سیریز میں 1-0کی برتری باآسانی حاصل کرلی ہے ۔
کھیلوں کی مزید خبریں اور تجزیئے پڑھنے کیلئے واٹس ایپ گروپ" اردونیوزاسپورٹس" جوائن کریں
