Sorry, you need to enable JavaScript to visit this website.

حجاج کا آخری قافلہ روانہ، سعودی ایئر لائن کا حج آپریشن ختم

آخری قافلہ روانہ ہونے کے ساتھ سعودی ایئر لائن نے حج آپریشن کے اختتام کا اعلان کردیا
مدینہ منورہ سے حجاج کا آخری قافلہ آج ہفتہ کو روانہ ہوگیا ہے۔ اس کے ساتھ سعودی ایئر لائن نے حج آپریشن کے اختتام کا اعلان کردیاہے۔
سعودی نیوز ایجنسی(واس) کے مطابق 442 افراد پر مشتمل حاجیوں کا آخری قافلہ انڈونیشیا روانہ ہوگیا ہے جنہیں مدینہ منورہ کے شہزادہ محمد بن عبد العزیز ایئر پورٹ پر شاندار طریقے سے الوداع کیا گیا ہے۔

 442 افراد پر مشتمل حاجیوں کا آخری قافلہ انڈونیشیا روانہ ہوگیا ہے ( فوٹو: ایس پی اے)

سعودی ایئر لائن کے سربراہ انجینئر صالح بن ناصر الجاسر کی سربراہی میں سعودی حکام کے وفد نے آخری قافلے کو الوداع کیا۔ واپس جانے والے حجاج کو دینی ترانوں ، ملے نغموں اور تحفے تحائف سے الوداع کیا گیا ہے۔
اس موقع پر واس سے گفتگو کرتے ہوئے سعودی ایئر لائن کے سربراہ انجینئر صالح بن ناصر الجاسر نے کہا ہے کہ حج آپریشن کے اختتام کے ساتھ حجاج کی خدمت کرنے والے تمام اہلکاروں کا شکریہ ادا کرتا ہوں۔

حاجیوں کو مدینہ منورہ ایئر پورٹ پر شاندار طریقے سے الوداع کیا گیا ( فوٹو: ایس پی اے)

سعودی ایئرلائن نے اس سال حج فلائٹوں کی تعداد میں 10 فیصد اضافہ کیا تھا۔ حج آپریشن کے دوران وقت کی پابندی کی شرح 90 فیصد رہی ہے۔
انہوں نے کہا کہ فرائض کی ادائیگی کے بعد حجاج کی واپسی طے شدہ جدول کے مطابق ہوتی رہی۔ ہم نے حجاج کی بہتر خدمت کے لئے تمام اسٹیشنوں میں عملےکی تعداد میں بھی اضافہ کیا تھا۔
 

سعودی ایئرلائن نے اس سال حج فلائٹوں کی تعداد میں 10 فیصد اضافہ کیا تھا ( فوٹو: ایس پی اے)

 

شیئر: