متعدد مجموعی طور پر 76اسمگلر گرفتار ہوئے ہیں (فوٹو: سبق)
سعودی سرحدی فورس نے گزشتہ ماہ متعدد کارروائیوں میں 1853 کلو گرام چرس سمگل کرنے کی کوشش ناکام بنادی۔
سبق ویب سائٹ کے مطابق سرحدی سیکیورٹی فورس کے ترجمان کرنل مسفر بن غنام القرینی نے بتایا ہے کہ مجموعی طور پر 76 سمگلر گرفتار ہوئے جن میں سے 43 ایتھوپین ، 19 یمنی، 9 صومالی اور 4 سعودی شہریوں کے علاوہ ایک نامعلوم شہریت رکھنے والا شامل ہے۔
القرینی نے بتایا ہے کہ سمگلنگ کی کوشش کے دوران ملوث افراد غیر قانونی طور پر سعودی عرب دراندازی کررہے تھے۔
انہوں نے کہا ہے کہ متعدد کارروائیاں جنوبی علاقوں میں ہوئی ہیں۔ سمگلروں کو ممنوعہ اشیاء سمیت گرفتار کیا گیا ہے۔ سرحدی سیکیورٹی فورس نے گرفتار شدگان اور ضبط شدہ منشیات محکمہ انسداد منشیات کے حوالے کردیا ہے۔
انہوں نے بتایا ہے کہ سرحدی سیکیورٹی فورس ہر وقت مستعد ہے۔ مملکت کی سرحدوں کی دراندازی کی ہر کوشش ناکام بنادی جائے گی۔
واٹس ایپ پر سعودی عرب کی خبروں کے لیے ”اردو نیوز“ گروپ جوائن کریں