آن لائن پبلک پراسیکیوشن اکیڈمی کا افتتاح

سعودی پبلک پراسیکیوٹر شیخ سعود بن عبداللہ المعجب نے آن لائن پبلک پراسیکیوشن اکیڈمی کا افتتاح کردیاہے-

اکیڈمی میں ادارے کے اہلکاروں کو نئے کورونا وائرس سے متعلق ریکارڈ پر آنے والے فوجداری   معاملات نمٹانے کی آن لائن ٹریننگ دی جائے گی-

المرصد نیوز کے مطابق پبلک پراسیکیوٹر نے اکیڈمی کا افتتاح کرتے ہوئے کہا ’دراصل یہ فوجداری  امور میں آن لائن سپیشلسٹ ٹریننگ سکول ہے- اس کےذریعے پبلک پراسیکیوشن کے اہلکاروں کی استعداد اور لیاقت بہتر بنائی جائے گی- انہیں آن لائن جرائم کو سمجھنے کےلیے زیادہ سے زیادہ معلومات مہیا کی جائیں گی‘۔

المعجب نے مزید بتایا کہ آن لائن پبلک پراسیکیوشن اکیڈمی کے ذریعے وڈیو کلاسیں منعقد کی جائیں  گی-

اس موقع پر اہلکاروں کو مکمل تربیتی ماحول فراہم کیا جائے گا- آواز، تصویر اور مضمون آن لائن پیش  کیا جائے گا-

پبلک پراسیکیوشن کے  اہلکار ٹریننر سے براہ راست سوالات کرسکیں گے اور ان کے جوابات حاصل کرسکیں گے-

پبلک پراسیکیوشن کے اہلکارایک دوسرے کو اپنے تجربات سے آگاہ کریں گے- ماہرین اہلکاروں کے سوالات کے جواب بھی دیں گے-