سعودی عرب کے محکمہ کسٹم نے ایک وضاحتی بیان میں کہا ہے کہ 11 مئی 2020 سے قبل کے درآمداتی سودوں پر 15 فیصد ویلیو ایڈڈ ٹیکس نہیں لگے گا۔ یاد رہے کہ ویلیو ایڈڈ ٹیکس پر عمل درآمد یکم جولائی 2020 سے ہوگا۔
مزید پڑھیں
-
15 فیصد واٹ یکم جولائی سے لاگو ہو گاNode ID: 478401
عاجل ویب سائٹ کے مطابق محکمہ کسٹم نے ٹوئٹر کے اپنے سرکاری اکاؤنٹ پر ویلیو ایڈڈ ٹیکس کے حوالےسے نئے ضوابط کی وضاحت کی ہے۔
محکمہ کسٹم کا کہنا ہے کہ 11 مئی 2020 سے قبل محکمے میں رجسٹرڈ ٹیکس دینے والے جس فرد نے ٹیکس بل جاری کیے ہوں گے۔ ان پر ویلیو ایڈڈ ٹیکس 5 فیصد ہوگا۔ 15 فیصد ویلیو ایڈڈ ٹیکس نہیں لگے گا بشرطیکہ سامان 30 جون سے قبل درآمد کر لیا جائے۔
محکمہ کسٹم نے واضح کیا کہ اگر کسی شخص نے محکمہ کسٹم کے یہاں رجسٹرڈ کسی ای شاپنگ سینٹر سے موبائل خریدا ہو اور اس کا بل 11 مئی سے قبل جاری ہو چکا ہو اور موبائل یکم جولائی کے بعد وصول کیا جائے تو ایسی صورت میں اس پر 15 فیصد ویلیو ایڈڈ ٹیکس نہیں لگے گا۔
خود کو اپ ڈیٹ رکھیں، واٹس ایپ گروپ جوائن کریں
