غیرقانونی تارکین کو جعلی اقامے بیچنے والا گروہ گرفتار
جمعرات 13 اگست 2020 22:08
گروہ میں پانچ افراد شامل تھے- فوٹو اخبار 24
ریاض پولیس کے معاون ترجمان خالد الکریدیس نے بتایا کہ غیرقانونی تارکین کو جعلی اقامے بیچنے والا غیرملکی گروہ گرفتار کرلیا گیا- دارالحکومت کی پولیس گروہ پر ایک عرصے سے نظر رکھے ہوئے تھی-
سعودی خبررساں ادارے ایس پی اے کے مطابق پولیس نے سابقہ اطلاعات اور نگرانوں کی رپورٹوں کی بنیاد پر جعلسازوں کے گروہ کے اڈے پر چھاپہ مارا- جہاں سے ایک سعودی شہری، دو شامی اور دو پاکستانی گرفتار کیے گئے- پانچ رکنی گروہ میں شامل افراد عمر کے چوتھے اور پانچویں عشرے میں ہیں-
جعلسازوں کے قبضے سے 91 جعلی اقامے برآمد ہوئے- جعلساز اقامہ محنت اور سرحدی سلامتی کے قوانین کی خلاف ورزی کرنے والے تارکین کو جعلی اقامے اور ورک پرمٹ تیارکرکے فروخت کررہے تھے-
الکریدیس نے بتایا کہ پانچوں کو حراست میں لے کر قانونی کارروائی کے لیے پبلک پراسیکیوشن کے حوالے کردیا گیا-
خود کو اپ ڈیٹ رکھیں، واٹس ایپ گروپ جوائن کریں
