لاکھوں ریال کے کیبل چوری، غیر ملکی گروہ گرفتار
ملزمان نے چوری کی 35 وارداتوں کا اعتراف کیا ہے (فوٹو: سبق)
سعودی عرب کے دارالحکومت ریاض میں لاکھوں ریال مالیت کے کیبل چوری کرنے والے چار غیر ملکیوں کو گرفتار کر لیا گیا ہے۔
ریاض پولیس کے معاون ترجمان خالد الکریدیس نے بتایا کہ ملزمان نے چوری کی 35 وارداتوں میں ملوث ہونے کا اعتراف کیا ہے۔ چاروں کا تعلق یمن سے ہے۔
عاجل ویب سائٹ کے مطابق وارداتوں میں ملوث تین یمنی باشندے ایسے ہیں جو غیرقانونی طریقے سے سرحد پار کرکے سعودی عرب پہنچے تھے جبکہ تیسرا باقاعدہ طور پر مقیم ہے۔
پولیس ترجمان نے بتایا کہ ملزمان نے ریاض شہر میں متعدد مقامات سے بجلی کمپنی کے سٹیشنوں سے چھ لاکھ 55 ہزار ریال کے کیبل چوری کیے۔
چاروں گرفتار ملزمان کو قانونی کارروائی مکمل کرنے کے لیے پبلک پراسیکیوشن کے حوالے کردیا گیا ہے۔
