ابحر میں ’کنگ سلمان پل‘ کی تعمیرکا منصوبہ 

 سعودی عرب میں جدہ بلدیاتی کونسل نے ابحر میں کنگ سلمان پل کی تعمیراور سمندری ٹیکسی چلانے کا عندیہ دیا ہے۔ 

سبق ویب سائٹ کے مطابق بلدیاتی کونسل کا اجلاس عبداللہ المحمدی کی صدارت میں ہوا- شرکا نے آئندہ دو برس کے دوران بلدیاتی کونسل کے آپریشنل پلان پر تبادلہ خیال کیا۔  

عبداللہ المحمدی نے بتایا کہ کونسل نے متعدد قراردادیں منظور کیں۔ 2021 اور 2022 کے دوران آپریشنل پلان کی متفقہ منظوری دی گئی۔ 

انہوں نے بتایا کہ شہر کے مرکزی علاقے میں کار پارکنگ کے قیام، البشائر سیکٹر میں تعمیرات پر پابندی جیسے اہم امور پر بھی غوروخوض کیا گیا ہے۔ 

خود کو اپ ڈیٹ رکھیں، واٹس ایپ گروپ جوائن کریں