عدالت کے فوری فیصلے کو خوشگوار حیرت کے ساتھ دیکھا جا رہا ہے، اس سے پہلے کہا جا رہا تھا کہ یہ فیصلہ 29 اکتوبر کو سنایا جائے گا۔
خبررساں ادارے روئٹرز کے مطابق جنوری میں کیے گئے ڈی این اے ٹیسٹ سے اس بات کا انکشاف ہوا تھا کہ کنگ البرٹ ٹو ڈلفین بوئل کے بائیلوجیکل والد ہیں۔
البرٹ ٹو چھ برس قبل اپنے بیٹے فلپ کے حق میں بادشاہت سے دستبردار ہوئے تھے، ایک طویل عرصے سے سابق بادشاہ البرٹ ٹو ڈلفین بوئل کے دعوے کو غلط قرار دے رہے تھے۔
ڈلفین بوئل کے بچوں کو بھی شاہی لقب ملے گا (فوٹو: اے ایف پی)
شہزادی تسلیم کیے جانے کے بعد ڈلفین بوئل کے نام کے ساتھ اب ان کے والد کا نام ’سیکس کوبرگ‘ لکھا جائے گا۔
ان کے دو بچوں جوسفین اور اوسکر کو بھی شاہی لقب ملے گا۔
ڈلفین بوئل کے وکیل کا کہنا ہے کہ ’ایک قانونی جیت میں جیت والد کی محبت کا متبادل نہیں ہوسکتی۔ لیکن یہ انصاف ہونے کا احساس دلاتی ہے۔ مزید یہ کہ جو بچے ایسے حالات سے گزرے ہیں یہ فیصلہ ان کو ہمت دیتا ہے۔‘
قسمت کی دیوی مہربان، جسے شیشہ سمجھا وہ ہیرا نکلاNode ID: 507291
’میں دوبارہ زندہ ہوئی ہوں، 20 برس تشدد سہا‘Node ID: 508281
انگلینڈ: بد زبان طوطے 'مشکل سال میں مسکراہٹ کی وجہ'Node ID: 508346
