Sorry, you need to enable JavaScript to visit this website.

امارات میں کورونا کے ایک ہزار 278 نئے کیسز

متاثرین کی تعداد بڑھ کر ایک لاکھ 33 ہزار907 ہوگئی۔(فوٹو روئٹرز)
متحدہ عرب امارات میں اتوار کو پچھلے چوبیس گھنٹے میں کورونا کے ایک ہزار 278 نئے کیسز سامنے آئے ہیں۔ متاثرین کی مجموعی تعداد بڑھ کر ایک لاکھ 33 ہزار 907 ہوگئی۔
امارات کی خبررساں ایجنسی وام نے وزارت صحت و تحفظ کے حوالے سے بتایا ملک میں جدید تشخیصی آلات کی مدد سے گزشتہ 24 گھنٹوں کے دوران کووڈ 19 کے ایک لاکھ 12 ہزار 546 ٹیسٹ کیے گئے ہیں۔
وزارت نے  بیان میں مزید کہا کہ کورونا کے نئے مریضوں کی حالت مستحکم ہے۔ انہیں ضروری علاج فراہم کیا جارہا ہے۔
وزارت نے بتایا  کہ زیرعلاج مریضوں میں سے گزشتہ 24 گھنٹوں کے دوران ایک ہلاک ہوگیا۔ کل اموات کی تعداد 496 ہوگئی۔
پچھلے چوبیس گھنٹے میں وبا سے متاثرہ مریضوں میں سے مزید 1606 مکمل صحتیاب ہوگئے۔ مجموعی طور پر صحتیاب ہونے والوںکی تعداد بڑھ کر ایک لاکھ 30 ہزار 508 ہوگئی ہے۔
وزارت نے شہریوں اور مقیم غیر ملکیوں کو احتیاطی و حفاظتی اقدامات کا سلسلہ جاری رکھنے اور سماجی فاصلے کی پابندی کی ہداہت کی ہے۔

شیئر: