کورونا کے 348 نئے کیسز ، چار اموات

سعودی عرب میں کورونا کے نئے کیسز مسلسل 300 سے زیادہ آرہے ہیں۔ ایکٹیو کیسز میں بھی اضافہ ہوا ہے۔

سبق نیوز نے وزارت صحت کی جانب سے جاری بیان کے حوالے سے بتایا ہے کہ ’ اتوار کو گذشتہ 24 گھنٹوں کے دوران کورونا کے 348 نئے مریض سامنے آئے جبکہ 247 افراد وائرس سے صحت یاب بھی ہوئے۔‘

وزرات صحت کے مطابق ’گذشتہ 24 گھنٹے کے دوران کورونا کے مزید چار مریض چل بسے، جس کے بعد مرنے والوں کی تعداد چھ  ہزار 567 ہو گئی ہے۔‘

وزارت صحت کا کہنا ہے کہ ’مملکت میں کورونا کے ایکٹیو کیسز کی تعداد  تین ہزار 137 ہوگئی، جن میں سے 555 کی حالت نازک ہے جو انتہائی نگہداشت کے یونٹس میں زیرعلاج ہیں۔‘

جاری اعداد و شمار کے مطابق سب سے زیادہ مریض ریاض ریجن میں سامنے آئے، جن کی تعداد 179 ہے جبکہ  مکہ مکرمہ ریجن میں 52 افراد میں وائرس کی تصدیق ہوئی ہے۔

الشرقیہ ریجن میں 44، القصیم ریجن میں 13، عسیر ریجن میں 10، مدینہ منورہ ریجن میں نو، الحدود الشمالیہ ریجن میں سات، الجوف، تبوک اور نجران ریجن میں چھ ، چھ جبکہ جازٓن اور الباحہ ریجن میں دو، دو مریض سامنے آئے ہیں۔

اب تک تین لاکھ 82 ہزار 407 افراد میں کورونا وائرس کی تصدیق ہو چکی ہے جن میں سے تین لاکھ 72 ہزار 703 افراد شفایاب بھی ہوئے ہیں۔

وزارت صحت کا کہنا ہے کہ کورونا سے بچاؤ کے لیے مقررہ احتیاطی تدابیر پر عمل کرنا ضروری ہے، جن میں سماجی فاصلے کا اصول انتہائی اہم ہے۔