Sorry, you need to enable JavaScript to visit this website.

 پٹرول سٹیشن پر غیرملکی ورکرز کو دھمکانے پر شہری گرفتار

غیر ملکی ورکرز کو اسلحے سے ڈرانےدھمکانے کا الزام ہے ( فوٹو اخبار 24)
سعودی عرب میں عسیر پولیس نے پٹرول سٹیشن پر غیرملکی ورکرز کو اسلحہ سے ڈرانے دھمکانے اور تشدد کرنے والے مقامی شہری کو گرفتار کیا ہے۔
اخبار 24 کے مطابق عسیر پولیس نے بیان میں بتایا کہ مقامی شہری نے جو عمر کے تیسرے عشرے میں ہے پٹرول سٹیشن گاڑی میں پٹرول بھروانے کے لیے پہنچا تھا۔ اس نے ورکرز کو اسلحہ سے ڈرایا دھمکایا تھا اور وہاں سے فرار ہوتے وقت پمپ کو نقصان بھی پہنچایا تھا۔ 
پولیس نے مفرور شہری کو شناخت کرکے گرفتار کرلیا۔ اس کے خلاف مقدمہ درج کرلیا گیا۔ پبلک پراسیکیوشن کو واقعے کی اطلاع دی گئی ہے۔

شیئر: