اسلامی تعاون تنظیم ’اوآئی سی‘ نے سعودی عرب کی درخواست پر وزرا خارجہ کی سطح پر آن لائن ہنگامی اجلاس طلب کرلیا۔ اجلاس اتوار کے روز منعقد کیاجائے گا۔
ویب نیوز ’سبق ‘ نے اسلامی تعاون تنظیم کی جانب سے جاری بیان کے حوالے سے مزید کہا ہے کہ سعودی عرب کے جانب سے درخواست کیے جانے پر اوآئی سی کی جانب سے آن لائن ہنگامی اجلاس طلب کیا گیا ہے جس میں یروشلم اور غزہ کی صورتحال پربحث کی جائے گی۔
بیان میں مزید کہا گیا ہے کہ اجلاس میں شریک او آئی سی رکن ممالک کے وزرا خارجہ اسرائیل کی جانب سے فلسطینی اراضی پرگزشتہ پیر سے جاری حملوں کے حوالے سے خطاب کریں گے۔
